Ola, son Ángeles Rumbo, herdeira dunha tradición de marisqueiras iniciada en 1945 pola miña avoa. Ela e miña nai aprendéronme os segredos das nosas rías. Agora, xunto ao meu marido, son eu quen transmite o noso legado familiar á miña filla para que as novas xeracións poidan seguir gozando das nosas delicias de calidade suprema.
Estamos especializados en bivalvos e moluscos e podemos ofrecerche, con orgullo, as mellores ameixas, berberechos, navallas, vieiras, zamburiñas e mexillóns do mundo. O mellor produto escolmado por nós nas rías galegas.
O noso amplo e fondo coñecemento do produto, as explotacións marisqueiras e os mellores provedores permítennos ofrecerche en cada momento os mellores exemplares de cada especie.
Destacamos as variedades de ameixa babosa e ameixa fina, que son autóctonas de Galicia. Orixinarias das Rías Baixas, traémolas preferentemente da riquísima ría de Muros e Noia.
As variedades coma a xapónica e a rubia, perfectamente adaptadas e melloradas polas frías augas da Costa da Morte, escollémolas concretamente en Camariñas, Muxía ou Fisterra, segundo conveña.
O berberecho galego traémolo case exclusivamente da ría de Muros e Noia, sempre que a veda o permita.
Se non é posible, tanto a zona de Marín–Rianxo coma Arousa, Camariñas, Ferrol e Mugardos suplen convenientemente a provisión desta variedade.
O mexillón galego traémolo da ría de Sada-Lorbé, unha zona mexilloeira de grande especialización.
Noutras ocasións traballamos con mexillóns das Rías Baixas, que non teñen nada que envexarlles.
A navalla e o longueirón, variedade meirande e sen curvatura, adoitamos traelos da zona de Fisterra, sempre que sexa posible.
Como alternativa, a ría de Cambados tamén nos ofrece unha excelente oferta destas variedades.
A ría de Cambados goza da mellor calidade nestas dúas variedades. A zamburiña e a volandeira son algo máis abundantes ao longo do ano, pero a recolleita da vieira galega está restrinxida a un curto período ao longo do ano debido á súa escaseza.
Por mor da escaseza e as vedas das variedades autóctonas, botamos man da variedade procedente de Chile, a vieira do Pacífico, que tamén goza de aceptación nos nosos mercados e que normalmente non falta nos nosos postos.
Dentro desta variedade de bivalvo, adoitamos traballar a ostra plana en tres tamaños habituais (extra, mediana e pequena), preferentemenete da zona de Mugardos e Cambados.
Apostamos por incorporar elaborados realizados cos nosos produtos, por nós ou por compañeiros de mercado, seguindo as nosas indicacións.
Son receitas caseiras da nosa familia, transmitidas ao longo de 4 xeracións.
Salsa mariñeira
Salsa Verde
Croquetas de mexillón
Croquetas de zamburiña
Mexillóns recheos na súa concha
Mexillóns en escabeche
Mexillóns en vinagreta